Wooops. Tinamaan ang ilang beses ng nasaktan, naloko at iniwan. Easy lang, hindi naman kasi talagang laging ganyan. Bakit? Wala ka namang alam sa idadala ng kinabukasan. Hindi ko naman sinasabing umasa ka, dahil kung tutuusin dapat hindi ka umaasa sa mga ganyang bagay. Dapat ka lang maghintay sa tamang oras.

Umasa? Aasa nanaman ako? ‘Wag kang magreklamo kung gusto mong sumaya. Dahil kung papipiliin ka, sigurado akong mas gusto mo namang malungkot sa una at masaya sa huli, kaysa sa laking tuwa mo ng umpisa tapos hahagulgol ka na sa huli.

Paano pa ‘ko magtitiwala? Sa lahat na ng pinagkatiwalaan ko, pare-parehas sila. Bakit ba kasi sila ang lagi mong tinitignan, subukan mo kayang tignan baka ikaw ang may mali at hindi sila.

Binigay ko naman ang lahat a? Sino ba naman kasing may sabing ibigay mo lahat. Hindi ka pa magpapakasal, magiging magkasintahan, jowa, shota, gelpren/boypren, girlfriend/boyfriend, o kung ano pang trip mong itawag, dyan palang kayo. ‘Wag kang magmadali.

So ano? Magpapakatanga nanaman ako at aasa sa hindi naman ako sigurado kung mayroon nga o wala? Ikaw lang ang nagsasabing ‘yan ang dapat mong gawin.

• GIRLS - ‘Wag kasi puro mukha ang tignan. ‘Wag puro swag. ‘Wag puro sweetness. Effort ang tignan.

• BOYS - ‘Wag kasi puro katawan. ‘Wag puro hotness. ‘Wag madaliin ang bagay-bagay, dahil sa huli, baka ako, tayo, ikaw, kayo rin ang magsisi.